| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 19.59 | Dem. 19.62 (English) | >>Dem. 19.65 |
19.61ἔτι τοίνυν τὸ μηδεμίαν τῶν πόλεων τῶν ἐν Φωκεῦσιν ἁλῶναι πολιορκίᾳ μηδʼ ἐκ προσβολῆς κατὰ κράτος , ἀλλʼ ἐκ τοῦ σπείσασθαι πάντας ἄρδην ἀπολέσθαι , μέγιστόν ἐστι σημεῖον τοῦ διὰ τούτους πεισθέντας αὐτοὺς ὡς ὑπὸ τοῦ Φιλίππου σωθήσονται ταῦτα παθεῖν · οὐ γὰρ ἐκεῖνόν γʼ ἠγνόουν . φέρε δή μοι καὶ τὴν συμμαχίαν τὴν τῶν Φωκέων καὶ τὰ δόγμαθʼ ὑφʼ ὧν καθεῖλον αὐτῶν τὰ τείχη , ἵνʼ εἰδῆθʼ οἵων ὑπαρχόντων αὐτοῖς παρʼ ὑμῶν οἵων ἔτυχον διὰ τούτους τοὺς θεοῖς ἐχθρούς . λέγε .ἃ μὲν τοίνυν ὑπῆρχε παρʼ ὑμῶν αὐτοῖς , ταῦτʼ ἐστί , φιλία , συμμαχία , βοήθεια · ὧν δʼ ἔτυχον διὰ τοῦτον τὸν βοηθῆσαι κωλύσαντα ὑμᾶς , ἀκούσατε . λέγε .διὰ τί ; ὅτι Φίλιππος ἀπηγγέλλετο πρὸς ὑμᾶς ὑπὸ τούτου ἐπὶ τῇ τῶν Φωκέων σωτηρίᾳ παρεληλυθέναι . τούτῳ δὴ πάντʼ ἐπίστευον , καὶ πρὸς τοῦτον πάντʼ ἐσκόπουν , πρὸς τοῦτον ἐποιοῦντο τὴν εἰρήνην . λέγε δὴ τἀπίλοιπα . καὶ σκοπεῖτε τί πιστεύσαντες τί ἔπασχον . ἆρά γʼ ὅμοιʼ ἢ παραπλήσιʼ οἷς οὗτος ἀπήγγελλεν ; λέγε .
Συμμαχία Φωκέων καὶ Ἀθηναίων
19.62
Ὁμολογία Φιλίππου καὶ Φωκέων
Δόγματα Ἀμφικτυόνων
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 19.59 | Dem. 19.62 (English) | >>Dem. 19.65 |
